Papia tokante kondon
Kuminsá papia di kondon por sinti straño, pero e no mester ta asina. Ta habrí i sigur tokante protekshon ta mustra rèspèt pa bo mes i bo partner. Asin’akí bo por hasi e kòmbersashon mas fásil
Plania delantá: Pensa riba ki ora i kon bo ta bai tres’é dilanti. Warda te despues di sèks ta muchu lat!
Sa kiko pa bisa: Praktiká for di antemano. Mas kómodo bo ta, mas fásil e kòmbersashon lo ta.
Sea honesto i direkto: Bisa algu simpel manera:
“Mi ke protehá mi mes i abo di ITS i embaraso. Laga nos uza un kondon.”
Guia dor di akshon: Tin biaha palabra no ta nesesario. Djis kue un kondon i bisti bo mes òf bo partner.
Risibí konseho: Puntra un amigu di konfiansa kon nan ta trese e tópiko dilanti.
Semper ta prepará: Kana ku kondon, asta si bo no ta planiando pa tene relashon seksual. Bo no sa nunka ki ora bo por tin mester di unu!
Papia tokante kondon no mester mata e estado di ánimo—e ta mustra konfiansa, responsabilidat i kuido pa bienestar di bo partner.
Otro tópiko
Sigui eksplorá bo salú seksual.
Kondon pa hende muhé
Ta yama kondon pa hende muhé, kondon interno òf kondon vaginal tambe. Bo ta hinka un den bo vagina pa fangu e semen. Esaki ta...
Tipo di kondon
Si bo kondon ta pasbo korektamente, lo bo disfrutá mas tantu di sèks. Kondonnan regular ta pas mayoria hende hòmber i mucha hòmber, pero un...
Kon pa bisti un kondon
Si bo no bisti un kondon korektamente, e por slep kita òf kibra. E ora ei tin chèns riba un ITS òf embaraso. Ke men,...
