Kiko ta transgénero?
Bo a nase mucha hòmber pero ta sintibo mas manera un hende muhé? Of bo a nase mucha muhé pero ta sintibo mas manera un hende hòmber? E ora ei talbes bo ta transgénero. Komo un persona transgénero, bo tambe por diskubrí e mundu di amor, sèks i relashon. Pero kisas bo tin mas pregunta tokante esaki.
Mucha hòmber òf mucha muhé?
No ta tur hende ku a nase un mucha hòmber ta sinti nan mes manera un mucha hòmber di paden. I no ta tur hende ku a nase un mucha muhé ta sinti nan mes un mucha muhé di paden. Si esaki ta konta pa bo, anto bo ta transgénero.
No-binario
Algun hende transgénero ta sinti nan mes kompletamente maskulino òf kompletamente femenino, ounke nan sekso na nasementu tabata diferente. Pero tambe tin esnan ku no ta pas den ningun di e dos kategorianan, nan ta no-binario. Nan ta sinti algu meimei. Un tiki di tur dos òf talbes niun di dos.
Ros i blou
Ta transgénero no ta semper fásil. Tin biaha ta parse manera kos ku a dividí mundu den dos parti: ros i blou. Paña di hende muhé i paña di hende hòmber. Tualèt pa hende hòmber i tualèt pa hende muhé. Pero ora bo wak mas di aserka, e ta enserá muchu mas. Un arkoiris tin hopi koló!
Abo i bo kurpa
Si bo ta transgénero, hopi biaha bo no ta sintibo 100% na kas den bo kurpa. Bo por laga ahustá bo kurpa ku hormona i sirugia. Pero bo no mester. Bo por ta kontentu tambe ku bo kurpa i ke lag’é manera e ta. Konfia bo sintimentunan, abo so sa kiko bo mester.
Otro tópiko
Sigui eksplorá bo salú seksual.
Ken ta atraé bo?
Hende ku ta transgénero por ta homoseksual, lesbiana, bi òf hetero. Ken ta atraé bo? Of bo no ta pas den un kategoria spesífiko?
Buska yudansa
Si algu ta molestiá bo, papia di dje ta un alivio! Bo por hasi esaki ku un hende ku bo konosé. Bo por papia tambe...
Namorá di un persona transgénero
Bo ta namorá di un hende ku ta transgénero? Esaki por tuma tempu pa kustumá kuné. E persona ku bo a namorá di dje ta...
