Bo siklo di menstruashon

Laga nos partié den fasenan simpel i fásil pa komprondé:

1. Fase di menstruashon 

• Esaki ta ora bo regla ta kuminsá i bo matris ta deshasí di su furu
• Hormonanan ta abou, pues lo bo por sinti un tiki kansá òf bo ta anhelá pa sosegá i esei ta bon!
• Ta un bon momentu pa relahá i enfoká riba kuido propio

2. Fase folikular 

• Despues di bo regla, bo kurpa ta kuminsá rekargá energia
• Hormonanan manera estrógeno ta subi, yudando bo kurpa prepará pa ovulashon
• Bo por sintibo mas kreativo i motivá, loke ta perfekto pa kuminsá kosnan nobo! 

3. Fase di ovulashon

• Mas o ménos na mitar di bo siklo, bo kurpa ta lansa un webu
• Bo por sintibo èkstra energétiko, sigur di bo mes òf asta ku gana di koketiá pasobra hormonanan manera estrógeno i hormona luteinizante (HL) ta na nan máksimo!
• Esaki ta e momentu pa disfrutá ku bo ta sintibo asina tremendo!

4. Fase luteal

• Despues di ovulashon, bo kurpa ta prepará pa e siguiente periodo si no tin embaraso
• Hormonanan manera progesterona ta oumentá, loke por ponebo sinti mas trankil òf anhelá komodidat
• Ta un bon momentu pa kaba ku tareanan i enfoká riba kosnan ku ta hasibo felis

Loke ta sosodé paden: E parti biológiko

Hormonanan ta energisá kada fase di bo siklo. Durante e fase di menstruashon, nivelnan abou di estrógeno i progesterona ta kousa ku e furu di matris ta kai. Den e fase folikular, estrógeno ta subi, yudando e folikelnan den bo ovarionan krese i prepará pa ovulashon. Rondó di ovulashon, un hormona ku yama hormona luteinizante (HL) ta oumentá, lansando un webu. E fase luteal ta kuminsá despues, ku progesterona ku ta subi pa prepará bo kurpa pa un potensial embaraso. Komprondementu di e kambionan akí ta yudabo sa kiko ta pasando den bo kurpa i dikon!