Hepatitis B

Señal- i síntomanan

Hopi biaha e síntomanan ta paresé un par di luna despues ku bo tabatin sèks. E ora ei lo bo por sinti òf tin lo siguiente:

• Sensashon kansá
• Keintura
• Walment’i stoma
• Doló di stoma
• Doló di múskulo
• Doló den bo wesunan
• Mancha riba bo kueru
• Bo kueru ta bira hel. Bo blanku di wowo tambe. Ta yama esaki dehel.

Tratamentu

Hepatitis B por lo general ta bai di su mes. Bo no mester di ningun tratamentu.

Pero tin biaha e no ta kita. E vírùs ta keda den bo kurpa. Ta yama esaki hepatitis B króniko. Kiko ta pasa e ora ei?

• Bo por haña tratamentu den hospital ku ta stòp e infekshon di sigui hasi otro dañonan
• Hende ku bo ta tene relashon seksual regular kuné i e hendenan ku bo ta biba kuné, mester haña bakunashon. E ora ei nan no por keda infektá ku hepatitis B

Bakunashon kontra hepatitis B

Komo parti di bakunashonnan di infansia ta ofresé muchanan na Kòrsou bakuna kontra di hepatitis B. Esaki ta ofresé protekshon pa bida largu.

Si bo no a risibí e bakuna kontra hepatitis b òf bo ke siña mas tokante esaki, tuma kontakto ku  CSGC.

Bo por risibí bakunashon si bo tin un chèns oumentá di haña e ITS akí. Por ehèmpel:

• Si bo ta hasi sèks regularmente ku un hende ku tin hepatitis B
• Si bo ta un hòmber ku ta hasi sèks ku otro hòmber. Sèks anal ta oumentá e chèns di  hepatitis B

Sentro pa Salubridat Seksual Kòrsou (CSGC) ta proveé e bakuna akí. E gastu total ta 90 florin. E ta rekerí 3 dosis di bakuna durante un periodo di 6 luna. Tuma kontakto ku CSGC pa mas informashon.