Sífilis
Sífilis ta un ITS ménos komun. Hende hòmber ku ta tene relashon seksual ku otro hende hòmber tin mas chèns di keda infektá. Bo ta pega otro durante sèks, spesialmente si bo no uza kondon. Sífilis ta fásil pa trata ku remedi. Generalmente esaki ta eliminá e infekshon. Si bo no trat’é, lo bo por haña síntomanan mas severo ainda.
Señal- i síntomanan
Síntomanan lo por paresé for di 2 te 12 siman despues ku bo a tene relashon seksual.
E promé síntomanan di sífilis ta:
- Ulsera (herida) na bo pénis, vagina òf anus. Generalmente nan no ta doloroso
- Herida den òf rondó di bo boka. Generalmente nan no ta doloroso
- Glándulanan hinchá
Generalmente e heridanan ta disparsé despues di 3 pa 6 siman. Pero e ITS ta den bo kurpa ainda. Bo por haña síntomanan mas severo despues. Asta si e síntomanan a bai, bo mester bai bo dòkter of CSGC tòg.
Bo no a bishitá CSGC of bo dòkter?
Si bo no a bishitá CSGC of bo dòkter pa tratamentu, lo bo por haña e siguiente síntomanan akí:
- Rebultashon riba kueru: markanan rònt bo kurpa, partikularmente riba bo man- i pianan
- Frètnan plat na bo pénis, vagina òf anus
- Síntoma manera grip: keintura, doló di kabes, doló di garganta, sintimentu di kansansio
- Pèrdida di kabei, plèkinan bashí riba bo kabes
- Problema ku wowo i bista
- Despues di hopi aña: daño na bo kurason, selebro, manteka di lomba i wesunan
Tratamentu pa sífilis
Sífilis ta fásil pa trata ku medikamentu (antibiotika). Bo ta kere ku bo tin e ITS akí? Talbes pasó:
- Bo a hasi sèks sin un kondon
- Bo tin síntoma
- Bo tabatin sèks ku un hende ku tin sífilis
Bishitá bo dòkter òf CSGC pa un tèst di ITS e ora ei. Si bo a test na CSGC i bo tin sífilis, na CSGC mes lo bo risibí bo tratamentu.
Otro tópiko
Sigui eksplorá bo salú seksual.
HIV
HIV ta un ITS. Bo ta pega otro durante sèks, spesialmente si bo no ta uza kondon. Si bo tin HIV i ta risibí tratamentu,...
Hepatitis B
Hepatitis B ta un infekshon di higra. Bo ta pega otro durante sèks, spesialmente si bo no ta uza kondon. E ta plama via sanger...
Gonorea
Gonorea ta un ITS, ku bo ta pega otro kuné durante sèks, spesialmente si bo no ta uza kondon. Tin biaha bo por pega otro...
