Namorá di un persona transgénero

Namorá di un persona transgénero

Bo ta namorá di un hende ku ta transgénero? Esaki por tuma tempu pa kustumá kuné. E persona ku bo a namorá di dje ta mustra diferente di pafó kompará ku loke e ta sinti di paden. Of kisas partinan di su kurpa no ta loke bo ta ferwagt. E por ta hopi konfuso pa bo! Pero bo no ta e úniko hende.

9 tep

Tuma bo pareha na serio: Komprondé ku bo pareha no a yega kaminda e ta gewon asina. E no ta algu ku lo djis kita.
Buska informashon: Buska informashon tokante hende transgénero pa bo por komprondé di kiko e ta trata.
Papia ku otro: Hasi pregunta. Si bo no ta sigur ku bo partner lo kontestá bo preguntanan, bisa for di antemano ku bo ta komprondé esei.
Papia ku amigunan: No djis papia ku otro, papia ku un hende ku bo ta konfia. Esaki ta hasié mas fásil pa haña sa kiko bo mes ta sinti.
No tene esaki un sekretu: Kisas bo partner lo preferá di tene kosnan un sekretu, pero e ta un sekretu muchu grandi pa karga riba bo mes. Disidí huntu ken si i ken no mester sa.
Ta oké pa ta konfundí: Ta komprendibel ku bo ta konfundí i e ta perfektamente oké. Despues di tempu, probablemente lo bo sintibo ménos konfundí di tur manera, segun ku bo ta siña konosé otro mihó.
Si e relashon no ta funshoná, kibra ku otro: Bo ta haña kosnan muchu kompliká na final di kuenta, òf bo no ta gusta e otro persona mes tantu ku bo a pensa? Esaki ta oké. Bo por kibra ku otro, si ta nesesario.
Ta respetuoso: Kiko ku bo hasi, semper ta respetuoso pa ku e otro persona! Asta ora bo mes no ta sigur òf tin miedu ku bo amigunan lo pensa ku ta algu straño.
Buska otronan: Tuma kontakto ku otro hóbennan ku ta den relashon ku un hende ku ta transgénero. Organisashonnan di sosten manera FOKO i Curaçao Pride por konektá bo ku hende ku mesun pensamentu.